قصيده رائعه

من ياخذ الدنيا برايه بلا قيـس
مثل الذي في جوف بحر يعومي
ما ينبني بنيان من غير تاسيس
ومن لا تعلم ما تفيد العلومـي

بداح العنجري



ياغصن موزٍ ميله نسمة الريح
يا أبو نهيدٍ تقل فنجال صينـا
بديوي الوقداني



قومٍ إلى جيتهـم رفـت شواربهـا
بالضحك واقلوبها فيها الردى كالـي
وقومٍ إلى جيتهم صكـت حواجبهـا
وأبدت لي البغض في مقفاي واقبالي
بركات الشريف


أدّب ولدك إن كان تبغيه يشفيـك
واستسعفه من بعد مرباه بـالآك
يا ذيب وان جتك الغنم في مفاليك
فاكمن إلى حيث الرعايا اتّعـداك
من أولٍ يا ذيب تفرس بياديـك
واليوم جا ذيبٍ عن الفرس عداك
محمد السديري



يابجاد شـب النـار وادن الدلالـي
واحمس لنا يابجاد ما يقعد الـراس
ودقـه بنجـرٍ ياظريـف العيالـي
يجذب لنا ربعٍ على اكوار جـلاس
لاخـاب ظنـي بالرفيـق الموالـي
مالي مشاريهٍ علـى نايـد النـاس
لعـل قصـر مـا يجيلـه ظلالـي
ينهد مـن عـال مبانيـه للسـاس
لاصار مـا هـو مدهـل للرجالـي
وملجا لمن هو يشكي الضيم والباس
أبو دباس



يا الله يا اللي رد من عقب ماياس
يوسف على يعقوب وابصر نظيره
ترد علي دباس يا محصي الناس
يا عالم مـا بالخفـا والسريـره
شليويح العطاوي



يا ناشدٍ عني ترانـي شليويـح
نفسي على قطع الخرايم عزومي
لا قلّت الوزنة وربعي مشافيـح
أخلّي الوزنة لربعـي وأشومـي

نوره الهوشان



اللي يبينا عيّت النفس تبغيـه
واللي نبي عيّا البخت لا يجيبه
نمر بن عدوان



البارحة يـوم الخلايـق نيامـا
بيّحت من كثر البكا كل مكنـون
لي ونّهٍ من سمعها مـا ينامـا
ونّة صويبٍ بين الأطلاع مطعون
محسن الهزاني


من ناظري دمعي على الخد مسكوب
ومن الحوادث شاب راسي وأنا شاب
لا لذ لـي زادٍ ولا حلـو مشـروب
ولا لموق العين طيب الكرى طـاب
* - * - * - *



غنا النفس معروف بترك المطامع
وليس لمن لا يجمـع الله جامـع
ولا مانع لما يعطـي الله حاسـد
ولا صاحبٍ يعطيـك والله مانـع
فهد بورسلي


حل الفراق وخافي السـد باحـي
حاولت أصبر والصبر عذّب الروح
حالي تـردى ومتكسـر جناحـي
حزين من كثر الهواجيس والنوح
* - * - * - *


ألا يا عضيدي وين راحوا هل الثنا
بنشدك حيثك باخصٍ في أمورهـا
تراني بجي للموت تسلوم شرعـي
إن قلت لي قضت وفاتت عصورها
عبدالله بن سبيل


وسدك فلا تعطيه عمٍ ولا خال
كم واحدٍ بالهرج يبحث كنينه
* - * - * - *


قالوا ندور لك مـن البيـض حليـاه
قلت آه لـو غيـره بكفـي رميتـه
قالوا تـزوج كـود تدلـه وتنسـاه
قلت آه لو خذت أربـعٍ مـا نسيتـه
قالوا من أقصى الناس وين أنت وياه
قلت آه ما أنسا يوم جانـي وجيتـه

صقر النصافي



ماني بمن يطرد سرابٍ بمضمـاه
شاف السراب ويحسب أنه غديري

* - * - * - *


لواهني اللي ليا ضاق له يـوم
اليوم الآخر خاطره ما يضيقـي
ما هو بمثلي ضيقته دايم الدوم
أبي المليق شوي وأزريت اليقي
شالح بن هدلان


ما ذكر به حيٍ بكى حي يا ذيب
واليوم أنا ببكيك لو كنت حيـا
* - * - * - *


ياذيب انا بوصيك لا تأكل الذيب
كم ليلةٍ عشّاك عقب المجاعـة
كم ليلة عشاك حرش العراقيب
وكم شيخ قوم كزته لك ذراعه

سليمان بن شريم


هبي بريحه يا هبـوب الشمالـي
كود الجنوب ومطلع الشمس ينصاه
يامـا ويامـا فرقتنـا الليـالـي
وعزي لمن يصفق شماله بيمنـاه
زيد الحرب


ما تنفع الدنيا بلا شوف الأعيان
وعزي لمن مثلي عيونه عصاته

راشد الخلاوي


نعد الليالي والليالـي تعدنـا
العمر يفنـا والليالـي بزايـد
قولوا لبيت الفقر لا يامن الغنا
وبيت الغنا لا يامن الفقر عايد
الدقيس



من لا يستشيرك لا تباديه بالشور
ومن لا يودك سعد عينك فراقـه
سعود بن بندر



منهو حبيبك غايتي بس أهنيه
على حسن حظه عشانك حبيبه
أنا أشهد إن الله يحبه ومعطيه
اللي هداك الرب تصبح نصيبه
* - * - * - *


كرهني بنفسك ولو بذنب صغير
القى به اعذاري واعود لزماني
المشكل انه ما بدى منك تقصير
وهذا يزود واقعك فـي كيانـي
منقووووول