كـنـت أفـكـر-منتدى النجـــــــلاء

. ..ــــ كـنـت أفـكـر ــــ.. .


كنت افكر ويش يعني فيك زايد..

............................... عن جميع الناس يوم اني أبيك ؟


قلت اخوي؟ / وصاح بي "صَرفي" يكايد :

............................... لا "أخـوك" ولا "أخـاك" ولا "أخيـك" !!


من وانا طفله وانا قلبي محايد

............................... مادريت اني بابيعه واشتريك !!


كل سهل ٍ دون حبك صار كايد

............................... وكل كايد تزهله لمسة يديـك


ما لبست الا مسابيحك قلايد

............................... ما كحلت الا عيون ٍ تحتويك


ما سكت ّ إلا إذا صمتي فوايد

............................... ماحكيت الا إذا سولفـت فيك


وان ذكرتك ليل / جافيت الوسايد

............................... وان ذكرتك صبح / شبيـّت التريك


واخفي اسمك لا قريته فالجرايد

............................... من كِثِـر مآاغـيـر يا قلبي عليك


والهلال إن هلّ ..محد ٍ به يعايد

............................... يحسبــــونه حاجب ٍ من حاجبيك


قلت لي بآجيك وثيابي جدايد

............................... راحت اعيادي وحـنـّا نحتريك


جيت احبك وابدع بيوت القصايد

............................... قلت يمكن // هالذي جاني يجـيك


ليه افكر ويش هاللي فيك زايد ؟

............................... يكفـْي اللي زايدك ... كوني أبيك

ـــــــــــــــــــــــــ
.
منقوووووووووووول