مهاجر اليكِ يا رحلة قوافل فى الاربع جهات
الامس خيالك واصور بقلبى ملامح جمالك
وارسم بعودى اسامى عيالك فى ارض التراب
واحضن فى طيفك فى دنيا سراب
وادمع لوحدى
وادوب زى شمعة فى ليالى الفرح
واحبس دموعى فى ضفاير اهات
اصلى الخمس صلوات والنوافل واصلى عشانك
واغافل عزولى واصلى لحبى اللى جاى واللى فات
واحكى لزمايلى عليكى وعليا واقرى صحابى جواب كاتبة بايديا
كانى استلمتة من ايدك لايدى واكرر حكايتى وارد الجواب اللى منى واليا
واكتب واسهر وافكر وازوق وأألف كلام
واصبر واطمن نفسى واقول يمكن اقدر اسلم عليكى
تعدى فى ميعادك معاكى صحابك
واحاول ما بصش عليكى ولا انظر اليكى واركز شوية بشوية وابعد عنيا
واحول عنيا ليظهر عليا اثر الارتباك وتمسكها فرصة عليكى البنات
تعدى واعد الثوانى فى رجوعك واعد الخطاوى اللى من مدرستكم لاول شارعنا
ولو غبتى اقلق واروحلك بنفسى واشوف اية الحكاية
واقايلك واعاتبك فى نص الطريق لاعاتبك فى سرى
واكلم فى واحد قرسي المسافى اللى بينى وبينك
عشان ابقى جنبك عشان تسمعينى
كأناللى فى طريقك سبب ما هواش تعمد
واحود لاقرب مكان ولقفة عندة واكلم فى اول صديق حا يقابلنى
واحكى وادردش فى اى كلام واتابعك بعينى
والاحظ بعينى ان لقيتك مشيتى اخلص قوام وابطل كلام
ويفهم صديقى و يسكت ويمشى ويضحك معايا
اعد الخطاوى والف فى ثوانى ابقى قبالك
و يضحك زمايلك لكلمة تقوليها وانا اضحك لوحدى معاكم عليها
تسلم عليكى البنات وتسيبيهم ومش حاسة بيا
تهدى الخطاوى تشدك عنيا تغيبى واعاود وانام وانتى فيا
واغمض عنيا تجينى فى منامى
كل اللى ما اقدرش اقولة تقولية
تهفهف ضفايرك يرفرف حمامى
وتطلع وتحضن ايديكى ايديا
واقولك بحبك تقولى انت روحى
واشوف من دموعك جروحك جروحى
اهداء الى حبيبتى بيبو
فارس بلا جواد
موضوع: مهاجر اليكِ-منتدى النجلاء 
الخميس ديسمبر 22, 2011 11:32 pm
