.........................
جتني رسالـة لايمتنـي وانـا لمـت
نفسـي علـى تقصيرهـا بالاصيلـه
مضمون ماقالت : غمت خاطري غمت
بيتين عـن كـل البيـوت الجزيلـه :
كلمت منهو تشتهـي نفسـك ونمـت
واهملت من لجلك سهر طـول ليلـه
الله يهنيك بهـوى مـن معـه همـت
وانـا لـي الله باللـيـأل الطويـلـه
ساعة قريت بيوتها صمت في صمـت
كـن الكـلام اللـي بقولـه فشيـلـه
عن مايدنـق رأس محبوبتـي شمـت
هي خابره ربعي مـن ايـة قبيلـه !!
حكمة حياتي : دام عـزي ولا دمـت
ماغير ربـي ارتجـي وانحنـي لـه
ماخنت بالصاحـب ولابعتـه وسمـت
غيـره ولوانهـا حمـولـي ثقيـلـه
اشيل حمله فـوق متنـي اليـا قمـت
وان طاح احطه فوق حملـه واشيلـه
فطرت في طيب الرياجيـل ماصمـت
يالله تحـرم كــل كــف بخيـلـه
وياطير تكفا كـل مـا للسمـا حمـت
تاخـذ معـك قلبـي وشوقـي دليلـه
هي الثريـا وغيرهـا هـي مارمـت
ماكـل مايبـرق لعيـنـي اخيـلـه
ان نمت تطري لي وتطري اذا قمـت
الحـب خـلا حالـتـي مستحيـلـه
وان قالت اني : في هوى غيرها همت
وهـي لهـا الله باللـيـال الطويـلـه
اقول : لو ليله علـى صدرهـا نمـت
تسـوى بعينـي الـف ليلـه طويلـه
..........................
موضوع: جتني رساله 
الثلاثاء نوفمبر 15, 2011 5:27 pm
