ياصاحبي لوخانك الوقت قــــــــلي

ياصاحبي لوخانك الوقت قــــــــلي
ودي أعرف إن كان ذقت الخيانــــه


ماهو إهتمام فيك لكن تســـــــــلي
أبغى الشماته فيك قصد ولعانـــــه


أبا أنبش جراحك وبنزفك كــــــــلي
لين الكرامه فيني تظمي الإهانــــــه


ولاجيتني شاكي برحب وأهـــــلي
وأسقيك من برد الشعور إمتنانــــــه


وأذكرك باللي معك قد حصــــــــلي
ويخونك اللي خنت فيني عشانــــــه


بمسح جبين الحب من ذل ذلـــــــي
وأقول لك قدرك وضيع مكانـــــــه


وإذا أستفز الهم دمعي بخـــــــلي
بيني وبين الدمع خطوه جبانـــــــه


بجمع طعون العــالم وأقول ســــلي
سيف إنتقامك من صميم الأدانـــــــــه


بقسى عليك لين يرعبك ظــــــــــلي
وأعلمك وشلون تظمى حنانـــــــــه


واسلب بقايا خافقك بس عــــــلي
آخذ بثاري منك و ترد الأمانـــــــه





وسلامتكم


منقوله