أبد...ماجيت أبارك ولكن جيت بوصيك...

أبد...ماجيت أبارك ولكن جيت بوصيك...
على إللي ناوي تدخل بهاالليله..معذبتي...
ترى لولا الظروف إللي عطتك وحدت محاكيك...
قسم بالله ما تدخل عليها لو على رقبتي...
ولكن النصيب أقوى ولاأدري وش أسوي فيك...
نــــــعم...صارت معزبتك..ولا صارت معزبتي..
كـــــذا شائت بنا الأقدار تحرمني لجل تعطيك...
كـــــذا لازم عشان تفوز إنت..أخسر بتجربتي..
تــــــــراها غاااااليه جدا"تكفى الله يخليك...
تدللهـــــا...تدلعهــــا...تنسيها مصــــاحبتي...

أنا من كثر ماأغليها أحس إني بديت أغليك...
ولا تسأل بأية حق..؟؟..ولا وش مناسبتي..؟؟
لأنك لو بتسألني بتسمع شئ ما يرضيك ...
لذا ياخوي لا تسئل ولاتسمع لاجوبتي ...
ابيك تحطها في داخل عيونك وبين يديك ...
وهي دلوعة اعتادت على كثرة مداعبتي ..
فاداعبها شوي شوي حتى تشتهي طاريك
وشاغبها لين تقول بطل مشاغبتي
إذا هي ما لها خلقك ولا تضحك ولا تسليك
تحملها واسئلها يا عمري ليه عصبتي ؟؟
وبالك اسمع انك يوم تضربها وهي تشكيك
ما يحتاج اوري لك بفن الضرب موهبتي ..
صحيح انك بتملكها ومعاك العقد بالتمليك
وانا عارف حدود الله ومن حقك معاقبتي
لكن قل لها المجنون وصاني وهو يعنيك
يقول انه بينتظرك اذا شيب وشيبتي
وانا مجنونها اللي ما نساها وانت ما يمديك
تغطي ذكرياتي في هواها وربع تجربتي
احس اني تماديت بكلامي والغضب حاديك
لو انك في مكاني ما تفكر في محاسبتي
كفاك اني تركت الليله اشغالي عشان اجيك
دخلت القاعة برجلي ولا أدري وش عاقبتي
وانا ما جيت اخرب عرسك الليله ولا اذيك
انا جيت اخاطبك واسمع مخاطبتي
توصى وانتبه واحرص عليها والله يهنيك
ترا كل الكلام اللي طلع من ضيقتي وكبتي
لكن ما قدرت اني اقوله وانت ما يخفيك
اخاف اني اذا قلته تقوم وتقطع رقبتي...


منقوله