على دروب الشعر وأهل الجزاله

فعل الجماله حكر ،، لاهل الجماله

وفعل الردى مختص ،، فالناس الأذناب




ماكل شخص ، يقدّر أللي وفالــه

وماكل شخص ، أن ماوفى ، صار كذاب



كل ٍ مشى دربه ،، على مابداله

وكل ٍ له ظروفه ، وكل ٍ له أسباب



بعض البشر عايش على قد حاله

وكرامته ،، طاحت من أسبابها رقاب



وبعض البشر ، مايرفعه غير ماله

مطلوب ،! ،، بس المال خلاه طلاب




ياوقت ليه الظلم ،، وين العداله ؟؟

ضاع الوفاء ياوقت ، مابين الأحباب



ياحظ طايح ليه ،، وأصبحت عاله ؟؟

وقفـّـت مع ضيم الدهر ،، مثل الأصحاب



شاعر ويشكي بعض ،، مما جراله

من هالزمن والناس ،، وجروح الأقراب



على دروب الشعر ،، وأهل الجزاله

كسبت فيه أذواق ، وقلوب وأعجاب




وعشرة ضعيف النفس ، وأهل النذاله

مترفع ٍ عنها ،، وأنا توني شاب



بعض البشر لاغاب ،، نلقى بداله

وبعض البشر ،، ماله بدايل أذا غاب





بسكر الموضوع ،، وأنهي جداله

وابدخل بموضوع ،، مزيون الأهداب




أللي تباهى في حلاه وجماله

دكّ الحصون ، وماحسب أيّة حساب




أللي أستباح بخافقي ،، ماهناله

خل ٍ سطى بعروق قلبي ، ولاهاب




< خصله وتكفي > ،،/ ،، غير باقي خصاله !!

< مزيون ،، فيه الزين وافي ،، وجذاب >



مجروح ،، وأسعى من غلاه لوصاله

وأجيه ، وأرجع ،، لكن الجرح ماطاب




أللي أحبه وأعشقه ،، وش جراله ؟؟

محتار ، متكدر ، وضايق ومرتاب





يمكن نوايا البعد ،، صارت في باله

يمكن يسافر للجفا ،، هجر وغياب



أللي يبيع الحب ،، مالي وماله ؟؟

للوصل باب ،، وللجفا عشرة أبواب




قصة غرامي كلها ،، في عجاله ،!

بديت أحبه ،، والنهايات منصاب

منقــــــــــــــــــــــــــــــوول

ماأجمل تلك المشاعر التي

خطها لنا قلمكِ الجميل هنا

لقد كتبتِ وابدعتِ

كم كانت كلماتكِ رائعه في معانيها

دائمآ في صعود للقمه