منتـــــــــــــــتدى النجـــــــــــــــلاء شعر لايعترف بقانون


منتـــــــــدى-النجــــــــلاء-شعـــــــري-ادبــــــي-ثقافـــــي-علمــــي-اخبـــــار-ترفيــــــه
 
الرئيسيةالبوابةمكتبة الصورس .و .جالتسجيلدخول

شاطر | 
 

 ألا يا دمع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عدنان علي عضيبات
.
.
avatar

عدد المساهمات : 1308
نشاطي بالمنتدى : 24800
تقييم العضو 47 تاريخ التسجيل : 26/10/2011
الموقع في عيون حبيبتي

مُساهمةموضوع: ألا يا دمع   الخميس ديسمبر 15, 2011 6:11 pm

ألا يا دمع لا تذرف دخيلك وش هي الأسباب
وش اللي يجبرك تذرف وتكسر في الهوى عيني

وتحرقني ليا منك ذرفت وتحرق الأهداب
وتكسر بي شموخ ما خبرته انكسر فيني

شموخ ما أنكسر فيني على كثر الهوى الغلاب
وكثر جروحي اللي من صدوق الحب تكويني

من اللي يجبرك تذرف من اللي يجبرك تنساب
وتروي خدي الظامي وتنبت به بساتيني

وتشمت فيني العشاق وتشمت فيني الأصحاب
وتشمت بي مع الأصحاب ناس(ن) ما تدانيني

ترى الشاعر له حروفه مثل ما للسباع أنياب
ليا من ضامته دنياه وردها المياديني

ألا يا دمع ويش ينفع خفوقي كلمتين عتاب
ما دام إنه عشق بنت غشاها الملح والزيني

دلال ضمها قلبي.. عشقها ..مات فيها ذاب
تولع في هواها لين قام الحب يرثيني

عيون كحلها يذبح..يدين مزينه بخضاب
شفايف تستفز الصبر وتصحي شياطيني

من وصوف القمر فيها ولكن ويش جاب الجاب
ما دام إن القمر يبكي ليا قامت تحاكيني

يقول أرجوك لا تكشف حقيقة حسنها الجذاب
ترى الناس لامنها درت صارت تجافيني

صحيح الحسن في محبوبتك ما منه شخص إرتاب
ولكن طالبك هالشىء يبقى بينك وبيني

وأنا من شانها مع غيرها ما حسبت حساب
إذا هاذي تحاكيني وإذا هاذي تناديني

بنيت لحبها قصر بقلبي مترف وخلاب
قصر بين القصور المترفه ما مثله إثنيني

قصر كانت به أركانه وفا والصدق فيه أطناب
سياجه أوردة قلبي وحراسه شراييني

تعبت أزرع شجر أرض المحبه والقدر حطاب
تعبت أعلق أمالي على شماعة سنيني

تعبت أقفل لحبي باب ويفتح للحسايف باب
تعبت أجامل النسيان وأقول إنه ينسيني

تعبت أدمح خطأ كذب الظنون وأطلع الكذاب
تعبت أكذب على نفسي وأقول الحظ يخطيني

تعبت أودع الذكرى وأحس بحرقة الأعصاب
تعبت أقفي عن أشواقي ولا تبغى تقفيني

إلين أصبحت ما افرق ما بين الحب والأعجاب
يميني صارت يساري ..يساري صارت يميني

غدت في قلبي الفرحه تشع وتعلن الأضراب
وقلبي مل من جرحه ولابه من يداويني

غدى قلبي مثل طفله بريئه والجروح ألعاب
تبي تلعب إلين أتعب ..تعذبني وتشقيني

غدى مثل العقيم اللي تمنى نعمة الأنجاب
وإذا أطروا له الأنجاب هلت دمعة العيني

وإذا هاذي معاذيرك وهاذي كلها الأسباب
شموخي طالبك يا دمع لا تكسره فيني

أنا رجال ما أحب الدموع اللي على الأحباب
أموت بعزتي أهون ولا حب يبكيني




منقـــــــــــــــــــــــــــــــــــــول

http://alayhm-ahlamont.jordanforum.net/t1876-topic

منتـــــدى النجـــــــلاء







لو كنت تعلم ما أقول عذرتني أو كنت أعلم ما تقول عذلتكا
لكن جهلت مقالتي فعذلتنـي وعلمت أنك جاهل فعذرتكـا



الرجوع الى أعلى الصفحة اذهب الى الأسفل
http://ayhm-ahlamontada-com.jordanforum.net/
Admin
.
.
avatar

عدد المساهمات : 1018
نشاطي بالمنتدى : 23996
تقييم العضو 21 تاريخ التسجيل : 26/10/2011

مُساهمةموضوع: رد: ألا يا دمع   الجمعة ديسمبر 16, 2011 3:48 pm



شكرا لك على الموضوع الجميل و المفيذ ♥

جزاك الله الف خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

http://alayhm-ahlamont.jordanforum.net/t1876-topic

منتـــــدى النجـــــــلاء







الرجوع الى أعلى الصفحة اذهب الى الأسفل
http://alayhm-ahlamont.jordanforum.net
 
ألا يا دمع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــــــــــــــتدى النجـــــــــــــــلاء شعر لايعترف بقانون :: الاقســــــــــــــــــــــــام الادبيــــــــــــــــــــة :: قســــم الشعــــــر النبطــــــــــي(منتدى النجـــــــــــــــــلاء)-
انتقل الى: